Nitkellmu flimkien - Djalogu f'Haz-Zebbug

Ninvestu 4,500 Ewro fis-siegħa f'saħħtek

F’dawn l-aħħar erba’ snin komplejna żidna s-servizzi tas-saħħa.   Illum int tista’ tuża aktar minn 4,000 servizz tas-saħħa -  servizzi ta’ kwalita’ għolja u li huma b’xejn. 

Il-Gvern qed jinvesti aktar minn miljun ewro kuljum biex int, f’kas ta’ bżonn issib servizz qrib tiegħek jew f’wieħed mill-isptarijiet tagħna.   Fil-fatt pratikament ninvestu madwar 4,500 ewro fis-siegħa.

Illum qed noffru servizzi ta kura primarja viċin tiegħek fi tmien ċentri tas-saħħa u 42 berġa.  Is-sena li għaddiet offrejna il fuq minn miljun servizz, li fost oħrajn inkludew eżamijiet mediċi minn tobba, kemm fil-post u anke fid-dar tal-pazjent. 

Żidna il-lista ta mediċini b’xejn li int tista tiġi bżonn.  Illum noffru aktar minn 1,300 tip ta mediċina differenti b’xejn. Permezz tal-ispiżerija tal-għażla tiegħek, 76,000 persuna qed jiġbru il-mediċini tagħhom b’xejn minn spiżerija li jagħżlu huma.

Irduppjajna il-mard kroniku imniżżel fil-kartuna s-safra. Dan ifisser li issa aktar minn 124,000 persuna huma intitolati għal mediċini b’xejn. 

Sfortunatament jien persważ li int taf lill xi ħadd li ltaqgha mal-marda tal-kanċer.  Anke hawnhekk, ħadna azzjoni.

Żidna l-mediċini kontra l-kanċer, investejna f’apparat tar-raġġi aktar modern, u qed nibnu Ċentru Ġdid għal kura tal-kanċer.  Fl-2009 bdejna l-ewwel programm nazzjonali ta screening – dak tas-sider, u li permezz tiegħu diga salvajna il-ħajja ta’ aktar minn 117-il mara – omm, oħt, bint jew il-mara ta xi ħadd – li kieku ma kienx għal dan il-programm abli kienu jindunaw tard wisq.   Issa se jibda jsir screening għal kancer tal-musrana.

Fl-isptar Mater Dei żidna l-kura, t-tip ta’ operazzjonijiet li jsiru u l-eżamijiet medici li qed noffru lill pazjenti.  Fil-fatt, is-sena li għaddiet il-ħaddiema u professjonisti tal-isptar Mater Dei wasslu aktar minn 9 miljun servizz, b’xejn, lill kull min kellu bżonn. 

Komplejna nnaqsu iż-żmien ta stennija għall-operazzjonijiet u xahar wara l-ieħor qed inżidu in-numru ta pazjenti li jiġu operati fl-isptar.  Is-sena li għaddiet saru aktar minn 43,000 operazzjoni, li hija żieda ta 11,000 operazzjoni fuq l-aħħar sena tal-isptar San Luqa.

Għamilna ftehim mall-privat dwar proċeduri differenti bħall MRI u Kataretti.

Bl-operazzjonijiet ġodda li qed ngħamlu, qed issir differenza kbira fil-ħajja tan-nies. Dan jafu sew dak iż-żgħażugħ li għall-ewwel darba, wara operazzjoni innovattiva fl-isptar mater dei, jista jiċċaqqlaq kif irid, wara li snin ilu iltaqa mal-marda tal-parkinsons. Dan jafu sew il-missier li issa jista jisma lill-ibnu wara li saritlu dik li tiġi imsejħa il-bionic ear.

Investejna wkoll fit-taħriġ.

Tiftakar meta it-tobba ġodda Maltin kienu jsiefru biex jispeċjalizzaw, u imbgħad jagħżlu li jibqgħu barra minn pajjiżna ?  Illum biddilna kompletament l-istorja, u l-maġġoranza tat-tobba Maltin qed jibqgħu jistudjaw hawn – f’pajjiżna.  Anzi, illum, bil-maqlub ta dak li kien jiġri qabel, għandna tobba barranin li qed jiġu jistudjaw hawn Malta.

Din is-sena wkoll se jkollna aktar minn 200 infermier ġdid, u professjonisti oħra li se jiggradwaw fix-xhur li ġejjijn.

Dan il-Gvern dejjem kien ċar fil-politika tiegħu dwar is-saħħa.  B’dak li ghamilna, Gvern u haddiema fil-qasam tas-saħħa, illum pajjizna hu rikoxxut bhala wieħed mill-pajjiżi li jinsab fuq quddiem nett fis-servizzi medici li joffri.  U d-determinazzjoni tagħna hi li nkomplu nżidu u ntejbu s-servizzi għalik.

Il-Gvern japprezza l-ħidma tal-professjonisti u ħaddiema kollha li ħafna drabi issir fil-kwiet u mingħajr daqq tat-trombi.  Grazzi.

 Saħħtek priorita’ -  saħħtek għal qalbna.

Harga lejn Sqallija - 14 ta Lulju 2012

Il-Ministeru għas-Saħħa mhuwiex Ministeru tal-Mard

Ħadna diversi miżuri biex nippromwovu s-saħħa

Il-Ħidma prinċipali tal-Ministeru għas-Saħħa, l-Anzjani u Kura fil-Komunita tikkonċentra fuq servizzi tal-kura tas-saħħa, li ma jfissirx biss servizzi għal meta jimrad xi ħadd, imma wkoll servizzi biex kemm jista jkun jiġi evitat il-mard.

Naturalment din mhix responsabilita tal-Gvern biss, imma fuq kollox ir-responsabilita li tieħu ħsieb saħħtek hi tiegħek ukoll. Biex ngħinuk tagħmel dan għandna professjonisti li jiggwidaw il-promozzjoni tas-saħħa u il-prevenzjoni tal-mard.

Investejna fir riċerka -  Inizjattivi bil-għan li jtejbu u jfiehmu s-Saħħa fl-Adoloxxenza jinħtieġu li jkunu bbażati fuq evidenza li tista’ tinkiseb biss permezz tar-riċerka li ssir f’kuntest lokali. Id-Direttorat għall-Promozzjoni tas-Saħħa u l-Prevenzjoni tal-Mard jagħmel l-Istudju dwar l-Imġieba tas-Saħħa fi Tfal tal-Iskola (HBSC) kull erba’ snin.  Permezz ta’ dan l-istudju, jiġu identifikati l-imġieba tas-saħħa kif ukoll tendenzi fost l-adoloxxenti u wkoll ikunu studjati l-ħtiġijiet.  L-istudju isir fost 34 pajjiż fl-Ewropa u fl-Amerika ta’ Fuq u d-data lokali titqabbel ma’ dawk tal-pajjiżi l-oħra Ewropej.

Inestejna f’ħidma flimkien ma pajjiżi Ewropej - Malta hi membru tan-Netwerk Ewropew dwar il-Promozzjoni tas-Saħħa fl-Iskejjel fejn skejjel Maltin jipparteċipaw f’inizjattivi li jieħdu approċċ sħiħ tal-Iskola fejn it-tfal jitħeġġu jadottaw stil ta’ ħajja b’saħħitha. Din l-inizjattiva tieħu in konsiderazzjoni l-ambjent u l-kurrikulu moħbi, kif ukoll il-kurrikulu mgħallem.

Investejna f’ħidma li tiffavorixxi il-breast feeding - Il-Ġimgħa favur it-Treddigħ tinżamm kull sena b’kollaborazzjoni mal-Isptar Mater Dei.  Minbarra li titqajjem kuxjenza fost l-ommijiet, l-inizjattiva għandha l-għan li tipproġetta kultura favur it-treddigħ, inkluż il-ħidma sabiex postijiet tax-xogħol u dawk pubbliċi jsiru ‘baby-friendly’; kif ukoll sabiex is-sistemi soċjali jipprovdu aktar sapport u għajnuna fir-rigward tat-treddigħ.

Għandna klabbs għall-Ommijiet u t-Trabi - Il-Unit għall-Promozzjoni tas-Saħħa qed taħdem fuq inizjattiva b’kollaborazzjoni mal-Klabbs tal-Moviment ta’ Kana għall-Ommijiet u t-Trabi fejn isiru taħdidiet lill-ommijiet dwar il-ftim u dieta tajba għat-tfal tagħhom.

Inmorru wkoll fl-iskejjel.  Fil-fatt twaqqaf Kumitat tas-Saħħa u tal-Edukazzjoni li jiltaqa’ regolarment sabiex jiddiskuti u sabiex titwettaq ħidma flimkien bejn iż-żewġ Ministeri, u sabiex jiġu esplorati oqsma ta' interess komuni għall-promozzjoni tas-saħħa fit-tfal tal-iskola.

Id-Direttorat għall-promozzjoni tas-saħħa u prevenzjoni tal-mard huwa rappreżentant fil-Kumitat stabbilit mill-Qasam tal-Edukazzjoni sabiex jirrevedi d-dokument il-ġdid dwar il-Pjan ta’ Stil ta’ Ħajja B’Saħħitha (il-Healthy Lifestyle Plan).

Il-Unit għall-Promozzjoni tas-Saħħa waqqaf proġett pilota tal-‘Walking Bus’  ġewwa xi skejjel, fejn tfal fi skejjel primarja jimxu lejn l-iskola flimkien u ggwidati minn persuni responsabbli.

Din l-istess unit torganizza taħdidiet fl-Iskejjel.  Il-Unit tirċievi talbiet matul is-sena skolastika għal taħdidiet fl-iskejjel stess fuq numru ta’ suġġetti marbuta mas-saħħa. L-udjenza fil-mira jkunu jinkludu studenti, għalliema u ġenituri.

Inizjattiva oħra tippromwovi il-konsum ta frott.  Fil-fatt sa mill-2009, l-Aġenzija tal-Ħlas fi ħdan il-Ministeru għar-Riżorsi u Affarijiet Rurali, bdiet inizjattiva ffinanzjata mill-fondi tal-UE imfassla sabiex jiżdied il-konsum tal-frott u ħaxix fit-tfal tal-iskola, billi tipprovdi kull tifel u tifla fl-iskejjel kollha primarji 'porzjon bla ħlas ta‘ frott jew ħxejjex darba fil-ġimgħa. Il-programm qed jiġi implimentat fl-iskejjel kollha f'Malta u Għawdex. Il-Unit għall-Promozzjoni tas-Saħħa hija membru attiv tal-Kumitat li tħaddem din l-iskema u kienet ukoll wettqet evalwazzjoni preliminari tal-iskema.

Dan kollu qiegħed isir biex kemm jista jkun ikollna popolazzjoni aktar mgħarfa dwar dak li huwa ta ġid għall-saħħitna.  Biss, nerġa ntenni li r-responsabilita prinċipali hija biss tiegħek.  Bniedem avżat, nofsu armat, u bħal ma ngħidu dejjem, l-aqwa kura hi propju il-prevenzjoni.

Gurnata Ghawdex flimkien

Int għamilt id-differenza

Fiducja fik u f’uliedek – din kienet it-tema ta Kunsill Ġenerali li, għal darb oħra tatna l-opportunita li inħarsu il-quddiem b’enerġija u determinazzjoni li inkomplu noħolqu l-ġid. Inħares lura u niftakar f’Kunsilli Ġenerali oħrajn fejn flimkien tkellimna dwar proġetti u flimikien ħlomna dwar dak li ridna niskbu għall pajjiżna.

Kien propju f’dawn il-Kunsilli li ħarisna l-quddiem u għedna li rridu inżidu l-opportunitajiet għaż-żgħażagħ, insaħħu l-għajnuna għan negozjant, inżidu x-xogħol u noħolqu xogħol aħjar.

Biss, il-Partit Nazzjonalista seta jagħmel dan għax ħares lejk u emmen fik.

Illum, bis-saħħa tiegħek, noffru servizz tas-saħħa aħjar. Għalekk ninvestu 45,000 ewro fis-siegħa, lejn u nhar fis-saħħa.  Bis-saħħa tiegħed ħloqna 20,000 post tax-xogħol ġdid u bis-saħħa tiegħed ftaħna skola ġdida fis-sena. Bis-saħħa tiegħek ħloqna aktar opportunitajiet għaż-żgħażagħ Maltin u Għawdxin.

Qed ngħid hekk għax inutli toħlom u tippjana jekk ma jkollokx ir-riżorża umana li ittik riżultati eċċellenti.  Meta l-pajjiż sejjaħlek kont int li għażilt il-politika li biha pajjiżna mexa l-quddiem, u meta din il-politika ġiet attwata kont int li mexxejta. Illum il-fatti juruna li kellna raġun nemmnu fik.

Bħala Ministru għas-Saħħa ma tgħaddix ġurnata li ma narax il-frott ta din il-fiduċja.  Dan il-frott huwa il-fatt li llum aktar minn 4,000 professjonist u ħaddiem fil-qasam tas-saħħa jaħdmu f’ambjent ħafna aktar modern fl-iSptar Mater Dei, u joffrulek eluf ta servizzi kuljum.  Dawn l-4,000 persuna is-sena li għaddiet tawk il fuq minn 9 miljun servizz...

Huma it-tobba Maltin li kisbu l-fiduċja ta Foundation Programme tal-mediċina Ingliża, u bis-saħħa tagħhom illum it-tobba Maltin qed jibqgħu jistudkaw hawn Malta. Illum saħansitra wasalna f’punt fejn għandna tobba barranin li qed jiġu jistudjaw hawn.

Bis-saħħa tal-professjonisti tas-saħħa stajna inkomplu inżidu is-servizzi tas-saħħa li noffru, biex illum int u l-familja tiegħek tistgħu tużaw il-fuq minn 4,000 servizz tas-saħħa b’xejn

Investejna fit taħriġ u zidna l-opportunitajiet biex il-professjonisti tagħna ikomplu jispecjalizzaw - b’hekk tejjibna mhux biss il-kwalita tas-servizz imma wkoll saħħaħħna il-workforce filwaqt li attirajna l-interess ta aktar zgħazagħ lio qed jagħzlu li jidħlu ghal xi karriera fil-kura tas-saħħa.

Komplejna nsaħħu il-kura primarja, u dan jixduħ in-numru dejjem jikber ta pazjenti li s-sena li għaddiet ħadu aktar minn miljun u mitejn elf servizz b’xejn mic-centri tas-saħħa u l-bereġ.   Issa qed inħarsu lejn ħsieb ġdid f’dan il-livell -  il-bini ta ċentru ħolistiku ta kura primarja..dak li jissejjaħ regional hub f’San Ġiljan

Tiftakruħ l-isptar san luqa ?

Nimmaġina li llum anke dawk li jridu akkost ta kollox imaqdru kontinwament kull servizz tal-Gvern jammettu kemm kienet deċiżjoni tajba li nivestu sptar ġdid.  Ftit tax-xhur ilu kellna saħansitra ġurnalist tas cnn li waqt rapport tiegħu fuq is cnn qal li dan huwa sptar state of the art.  Pero f’dak is-servizz ħareġ ukoll, b’mod evidenti, li dak li jagħmel l-isptar state of the art, mhuwiex biss apparat mill-aktar sofistikat, imma il-kapaċita tal-persuna li jħaddem dak l-apparat skont il-bżonnijiet tal-pazjent.

Kif tista tara...emminna fil-professjonisti u l-ħaddiema Maltin u investejna, u mis-suċċess tiegħek qed tgawdi int u uliedek.

Żidna l-mediċini kontra l-kanċer, investejna f’apparat tar-raġġi aktar modern, u qed nibnu Ċentru Ġdid għal kura tal-kanċer.  Fl-2009 bdejna l-ewwel programm nazzjonali ta screening – dak tas-sider, u li permezz tiegħu diga salvajna il-ħajja ta’ aktar minn 120 mara – omm, oħt, bint jew il-mara ta xi ħadd – li kieku ma kienx għal dan il-programm abli kienu jindunaw tard wisq.   Ħabbarna li se noffru screening għal kancer tal-musrana.

Dan kollu jiswa l-flus.  Mhumiex deċiżjonijiet faċli..għax qed nitkellmu fuq miljuni.  Għalina saħħtek priorita..bil-fatti.

Naturalment mhux kollox miexi fuq ir-rubini.  Għandna l-problemi u għandna l-isfidi.  U sakemm inkomplu naħdmu se jibqa jkun hemm problemi u sfidi ġodda. 

Huwa tajjeb li nieqfu u nevalwaw dawn il-sfidi, imma ma nistghux nehlu hemm. Hemm bżonn li nindirizzaw dawn l-isfidi flimkien.  Aktar minn hekk ejja ma nħallu l-ħadd jaljenana minn dak li ksibna.  Kien hemm żmien fejn nimxu b'In-Nazzjon,  jew aħjar bl-IN TAGHNA mohbija f'idejna, żminijiet li jidru l-bogħod, imma lkoll nafu li fil-fatt mhumiex daqshekk il-bogħod.

Flimkien ħlomna u b’fiduċja fik, biddilna dan il-pajjiz.