Imniedi l-programm dwar il-Jum Dinji tad-Dijabete

Imniedi l-programm dwar il-Jum Dinji tad-Dijabete

Il-Klinika tad-diabete fl-iSptar Mater Dei klassifikata bħala Ċentru ta Eċċellenza mill Johns Hopkins University

Il-Ġimgħa d-dieħla, nhar L-Erbgħa 14 ta’ Novembru, id-Dinja se tfakkar il-Jum Dinji Dwar id-Dijabete.   Waqt konferenza tal-aħbarijiet fiċ-Ċentru tas-Saħħa ta Ħal-Qormi, il-Ministru għas-Saħħa, l-Anzjani u Kura fil-Komunita Joe Cassar qal li dwar id-dijabete il-messaġġ għandu jkun wieħed ċar – dak li kulħadd jiċċekkja il-livell taz-zokkor fid-demm fuq bażi regolari. Hu qal li bħall ma jiġri kull sena, Id-Dipartiment tal-Kura Primarja ħataf l-okkażjoni biex  jorganizza programm bis-sehem ta diversi entitajiet sabiex il-pubbliku ikunu jista jiċċekka l-livell taz-zokkor fid-demm b’xejn f’diversi lokalitajiet.

Il-Ministru Cassar qal li huwa importanti li kulħadd jagħraf li għandna prevalenza għolja ta dijabete f’pajjiżna u li dan ifisser ukoll li jista jkun li hawn min għandu d-dijabete u ma jafx. Id-dijabete hija kundizzjoni li jekk ma tkunx kontrollata taffettwa l-organi kollha tal-ġisem u allura il-kumplikazzjonijiet li ġġib magħha jafu jkunu aktar gravi minn dawk ta kundizzjonijiet kroniċi oħra.  Dr Cassar qal li wieħed ikollu id-dijabete mhix l-aħħar tad-dinja.  Illum għandna mezzi biex niċċekkjaw ta spiss il-livell taz-zokkor, filwaqt li dieta tajba għal saħħtek tevita li jkollok problemi aktar il quddiem. Tħabbar ukoll li pajjiżna se jipparteċipa wkoll f’dik li tissejjaħ il-Blue Monument initiative, fejn il-maġġoranza tal-pajjiżi madwar id-dinja jixgħelu monumenti jew binjiet storiċi bil-kulur blue sabiex jitqanqal aktar interess dwar id-dijabete.

Joe Cassar irringrazzja lill  organizzazzjonijiet diversi li ingħaqdu f’kumitat wieħed biex iwasslu programm nazzjonali ta blood glucose monitoring u informazzjoni matul dawn il-jiem li ġejjijn.

Is-Sur Edward Borg, Kap Eżekuttiv tad-Dipartiment tal-Kura Primarja spjega kif bis-saħħa ta teamwork bejn professjonisti varji, il-pubbliku qiegħed jiġi offrut servizzi effettivi permezz ta shared care programme, li jiġbor fiħ numru team multixxiplinarju imħarreġ speċifikament f’dan il-qasam.  Hu qal li dan  qiegħed jirriżulta f’kura aktar aċċessibbli u finalment fi kwalita ta ħajja aħjar għall-pazjenti.  Is-Sur Borg appella biex kull min juża s-servizzi jużhom b’respnsabbilita u f’każ li jiddeċiedi li ma jmurx għal appuntament, javża lill klinika relatata sabiex dak il-ħin jintuża għall-persuni oħra.Hu appella wkoll biex kull min jagħmel użu mis-servizzi tal-kura primarja jieħu miegħu il-karta tal-indentita.

Il-Professur Stephen Fava ħabbar li l-Klinika tad-Dijabete tal-iSptar Mater Dei ġiet klassifikata bħala Ċentru ta Eċċellenza mill Johns Hopkins University.  Prof Fava qal li huwa importanti ħafna li nifmu li l-prevenzjoni hi l-aqwa arma li għandna sabiex niġġieldu d-dijabete.  Hu qal ikoll li  30% ta dawk li jieħdu s-servizzi tal-klinika huma klassifikati bħala persuni li għandhom piż żzejjed, filwaqt li 57% huma obeżi.