Prezentazzjoni tar-Rapport Sena Hidma tal-Ministeru tas-Sahha

Messaġġ tal-Ministru għas-Saħħa, l-Anzjani u Kura fil-Komunità l-Onor Dr Joe Cassar

F’dawn l-aħħar erba’ snin komplejna żidna s-servizzi tas-saħħa.   Illum int tista’ tuża aktar minn 4,000 servizz tas-saħħa - servizzi ta’ kwalità għolja u li huma b’xejn. 

Il-Gvern qed jinvesti aktar minn miljun ewro kuljum biex int, f’kas ta’ bżonn, issib servizz qrib tiegħek jew f’wieħed mill-isptarijiet tagħna.

Illum qed noffru servizzi ta’ kura primarja viċin tiegħek fi tmien ċentri tas-saħħa u 42 berġa.  Is-sena li għaddiet offrejna ‘il fuq minn miljun servizz, li fost l-oħrajn kienu jinkludu eżamijiet mediċi minn tobba, kemm fil-post u anke fid-dar tal-pazjent. 

Żidna il-lista ta’ mediċini b’xejn li int tista’ tiġi bżonn.  Illum noffru aktar minn 1,300 tip ta’ mediċina differenti b’xejn. Permezz tal-ispiżerija tal-għażla tiegħek, 76,000 persuna qed jiġbru l-mediċini tagħhom b’xejn minn spiżerija li jagħżlu huma.

Irduppjajna il-mard kroniku inkluż fil-kartuna s-safra. Dan ifisser li issa aktar minn 124,000 persuna huma intitolati għall-mediċini b’xejn. 

Jien persważ li int, sfortunatament, taf lil xi ħadd li ltaqa’ mal-marda tal-kanċer.  Anke hawnhekk, ħadna azzjoni.

Żidna l-mediċini kontra l-kanċer, investejna f’apparat tar-raġġi aktar modern, u qed nibnu Ċentru ġdid għall-kura tal-kanċer.  Fl-2009 bdejna l-ewwel programm nazzjonali ta’ screening – dak tas-sider – u li permezz tiegħu diġa` salvajna l-ħajja ta’ aktar minn 117-il mara – omm, oħt, bint jew il-mara ta’ xi ħadd – li kieku ma kienx għal dan il-programm x’aktarx kienu jindunaw tard wisq. Issa se jibda jsir screening għall-kanċer tal-musrana.

Fl-isptar Mater Dei żidna l-kura, it-tip ta’ operazzjonijiet li jsiru u l-eżamijiet mediċi li qed noffru lill-pazjenti. Fil-fatt, is-sena li għaddiet il-professjonisti u l-ħaddiema tal-isptar Mater Dei wasslu aktar minn 9 miljun servizz, b’xejn, lil kull min kellu bżonn. 

Komplejna nnaqsu iż-żmien ta’ stennija għall-operazzjonijiet u xahar wara l-ieħor qed inżidu n-numru ta’ pazjenti li jiġu operati fl-isptar. Is-sena li għaddiet saru aktar minn 43,000 operazzjoni, li hija żieda ta’ 11,000 operazzjoni fuq l-aħħar sena tal-isptar San Luqa.

Għamilna ftehim mal-privat dwar proċeduri differenti bħall-MRI u l-Katarretti.

Bl-operazzjonijiet ġodda li qed ngħamlu, qed issir differenza kbira fil-ħajja tan-nies. Dan jafu sew dak iż-żgħażugħ li għall-ewwel darba, wara operazzjoni innovattiva fl-isptar Mater Dei, jista’ jiċċaqqlaq kif irid, wara li snin ilu ltaqa’ mal-marda tal-parkinsons. Dan jafu sew il-missier li issa jista’ jisma lill-ibnu wara li saritlu dik li tissejjaħ il-bionic ear.

Investejna wkoll fit-taħriġ.

Tiftakar meta t-tobba ġodda Maltin kienu jsiefru biex jispeċjalizzaw, u mbagħad jagħżlu li jibqgħu barra minn pajjiżna?  Illum biddilna kompletament l-istorja, u l-maġġoranza tat-tobba Maltin qed jibqgħu jistudjaw hawn – f’pajjiżna.  Anzi, illum, bil-maqlub ta’ dak li kien jiġri qabel, għandna tobba barranin li qed jiġu jistudjaw hawn Malta.

Din is-sena wkoll se jkollna aktar minn 200 infermier ġdid, u professjonisti oħra li se jiggradwaw fix-xhur li ġejjin.

Dan il-Gvern dejjem kien ċar fil-politika tiegħu dwar is-saħħa.  B’dak li għamilna, il-Gvern u l-ħaddiema fil-qasam tas-saħħa, illum pajjizna hu rikonoxxut bħala wieħed mill-pajjiżi li jinsabu fuq quddiem nett fis-servizzi mediċi li joffri. U d-determinazzjoni tagħna hi li nkomplu nżidu u ntejbu s-servizzi għalik.

Il-Gvern japprezza l-ħidma tal-professjonisti u l-ħaddiema kollha li ħafna drabi issir fil-kwiet u mingħajr daqq tat-trombi.  Grazzi.

 Saħħtek priorita’ -  Saħħtek għal Qalbna!

Grazzi

Dr Joe Cassar

Ministru għas-Saħħa, l-Anzjani u Kura fil-Komunità

Passi kbar fil-glieda kontra l-kancer

Għamilna passi kbar...anke fil-ġlieda tagħna kontra l-kanċer..

Għaddej il-bini il-bini taċ-ċentru l-ġdid tal-onkoloġija, fejn se jkun hemm total ta 96 sodda, 74 sodda in patient u 22 sodda fid-Day Care.  Fil-preżent fl-iSptar Sir Paul Boffa hemm 27 sodda. Ippublikajna wkoll l-ewwel pjan nazzjonali dwar il-kanċer ghal pajjiżna, li fiħ il-Gvern jiddikjara xi triq se jkompli jieħu f’dan il-qasam.  Dan il-pjan diġa beda jiġi segwi. Fil-fatt il-programmi  ta’ skrinjar , kif ukoll diversi inizjattivi oħra, bħal per eżempju, l-fatt li l-iSptar Mater Dei ġie dikjarat bħala kompletament smoke-free, u l-izvillup ta diversi kliniċi sabiex persuna tieqaf tpejjep. Dawn huma kollha parti mill-pjan nazzjonali dwar il-kanċer.

Sar ukoll investiment f’Għawdex fid- dipartiment tar-Radjoloġija li jfisser li pazjenti Għawdxin qed jagħmlu eżamijiet mediċi r fosthom CT Scan u screening tas-sider f’Għawdex stess.

Kompla wkoll jiżdied l-investiment fil-mediċini. Matul l-2011, il-Gvern reġa żied il-lista ta’ mediċini b’xejn li jintużaw għall-kura tal-kanċer.  Dan il-fatt jindika wkoll l-investiment dejjem jiżdied mill-Gvern fil-qasam tal-kanċer.  Fil-fatt, filwaqt li fl-2008 n-nefqa fuq il-mediċini tal-kanċer kienet ta’ kważi €4.5 miljun, dan l-investiment baqa’ jiżdied, u s-sena li għaddiet ġie kważi rduppjat għal €8,5 miljun.

Is-servizzi ser ikomplu jiżdiedu hekk kif il-Gvern se jniedi programm ieħor ta screening aktar tard matul din is-sena. F’dan il program  se nkunu qed nistiednu rġiel u nisa ta’ bejn is-60 u l-64 sena biex kull sentejn jagħmlu test li jiddetermina jekk hemmx kanċer jew le fil-musrana. Dan se  jikkumplimenta il-programm nazzjonali ta screening tas-sider li bis-saħħa tiegħu sa tmiem is-sena li għaddiet kienu ġew salvati 117-il mara.

Zieda fin-numru ta' l-operazzjonijiet fl-isptar Mater Dei

Komplejna inzidu l-operazzjonijiet u nnaqsu iz-zmien ta stennija ghall-operazzjonijiet varji

Ħidma mid-Direttorat għall-Promozzjoni tas-Saħħa u l-Prevenzjoni tal-Mard

L-Inizjattiva li tiffavorixxi t-Treddigħ - Il-Ġimgħa favur it-Treddigħ tinżamm kull sena b’kollaborazzjoni mal-Isptar Mater Dei.  Minbarra li titqajjem kuxjenza fost l-ommijiet, l-inizjattiva għandha l-għan li tipproġetta kultura favur it-treddigħ, inkluż il-ħidma sabiex postijiet tax-xogħol u dawk pubbliċi jsiru ‘baby-friendly’; kif ukoll sabiex is-sistemi soċjali jipprovdu aktar sapport u għajnuna fir-rigward tat-treddigħ.

Klabbs għall-Ommijiet u t-Trabi - Il-Unit għall-Promozzjoni tas-Saħħa fi ħdan id-Direttorat imsemmi qed taħdem fuq inizjattiva b’kollaborazzjoni mal-Klabbs tal-Moviment ta’ Kana għall-Ommijiet u t-Trabi fejn isiru taħdidiet lill-ommijiet dwar il-ftim u dieta tajba għat-tfal tagħhom.

Kompla jitnaqqas iż-żmien ta’ stennija għall-operazzjonijiet

Is-Sena li għaddiet kienet waħda li fiha implimentajna il-miżuri kollha li xtaqna indaħħlu sabiex inżidu in-numru ta operazzjonijiet li kienu qed isiru sabiex fl-istess ħin innaqqsu ż-żmien ta stennija. F’sena fl-isptar Mater Dei saru 43,747 operazzjoni tul is-sena kollha inklużi Sibtijiet, Ħdud u festi.  Dan kien żieda ta’ 1,952 operazzjoni fuq is-sena 2010 u żieda ta 11,000 operazzjoni fuq l-aħħar sena tal-iSptar San Luqa. 

Filwaqt li dan kien riżultat tajjeb għidt mill-ewwel li kien se jkun diffiċli biex dan l-ammont jinqabeż matul din is-sena. Iżda l-fatti qed juru li grazzi għal-ħidma ta dawk kollha involuti, kemm f’Jannar u anke fi Frar kien hemm żieda sostanzjali ta operazzjonijiet.  F’Jannar saru 3,947 operazzjoni, żieda ta 302 operazzjoni fuq is-sena ta qabel.  Fi Frar saru 3,507 operazzjoni li hija żieda ta 121 operazzjoni fuq is-sena li għaddiet u żieda ta’ 837 operazzjoni fuq l-istess xahar tal-2007, l-aħħar sena tal-isptar San Luqa.

Bi sahha u l kontribut ta kulhadd ghanna nkomplu fuq din it triq ghaqlija u biezla ta zvillup u manteniment ta servizzi mil ahjar, b’xejn.

Servizz iehor gdid ghall-pazjent tal-iSptar Mater Dei

Il-Bierah kelli l-pjacir, li fl-okkazjoni ta Patients Rights Day, inniedi servizz gdid ghall-pazjenti tal-isptar Mater Dei.

Din id-darba is-servizz gdid jirrelata mad-drittijiet tal-pazjenti.  Fil-fatt il-bierah iffirmajna memorandum of understanding mal-Malta Health Network li permezz tieghu se jkun hemm persuni mharrga biex jinfurmaw lill pajzenti bid-drittijiet taghhom.

Dan is-servizz jispjega dak li sehh:

My Choice - mod ta kif tghidilna x'tahseb...

Qatt ma kienet aktar facli biex izzomm kuntatt u twassal l-ideat u hsibijiet tieghek.

My Choice hija inizjattiva gdida li l-Partit Nazzjonalista nieda is-Sibt li ghadda.  Idhol fis-sit b'din link:

https://www.mychoice.pn/Home


Grazzi
Joe

Jitnieda s-servizz tal-Colorectal Screening

Minn Ottubru li gej se jibdew jigu mistiedna n-nies biex isirilhom il-Colorectal Screening li hu programm li permezz tieghu se tigi ezaminata l-possibilita' ta' kancer fil-musrana l-kbira.

Servizz ta NET News

Imniedi servizz iehor tas-sahha - colorectal screening

Id-dISKORS TIEGĦI  Waqt it-tnedija tal-programm nazzjonali ta` screening tal-musrana l-kbira (Colorectal Screening), It-tlieta, 17 t’april, 2012 - valletta

Dan li qed nagħmlu llum huwa pass ieħor kbir fil-qasam tas-saħħa ta’ pajjiżna.

Minn dejjem konna ċari fil-politika li se nadottaw fil-qasam tal-kura u prevenzjoni tal-kanċer.  Kien għalhekk li fl-2009 nedejna l-ewwel programm ta’ screening fuq bażi nazzjonali – dak tal-breast screening.

Kif smajtu, illum għandna tim ta’ professjonisti li kisbu l-esperjenza neċessarja biex il-politika tagħna nkomplu nwettquha. 

Qed ngħid dan, għax it-tfassil tal-politika ma tinkludix biss il-pjan u l-mezzi, imma tinkludi wkoll dak li huwa essenzjali f’kull servizz tas-saħħa – ir-riżorsa umana li tkun imħarrġa u ppreparata biex l-implimentazzjoni tkun tista’ ssir  realtà mibnija fuq esperjenza u dedikazzjoni.

Il-programm nazzjonali ta’ breast screening, bħal ma kien mistenni, issarraf f’riżultati li jmorru ħafna aktar fil-fond minn sempliċiment numru.  Meta nsemmu l-120 mara li bis-saħħa ta’ dan il-programm sibnilhom kanċer tas-sider, fil-fatt inkunu qed nitkellmu fuq 120 omm, oħt, bint jew il-mara ta’ xi ħadd.

Dan il-programm kien ir-riżultat tal-politika ċara li aħna adottajna, u, aktar minn hekk riżultat dirett tal-ħidma ta’ dawn il-professjonisti li hawn hawnhekk illum.

Ridna li nkomplu nintensifikaw il-ħidma tagħna fil-qasam. U għal darb’ oħra, konna ċari fil-politika tagħna, u ppubblikajna l-ewwel pjan nazzjonali għall-kanċer li qatt kellu pajjiżna.  F’dan il-pjan għedna lil kulħadd fejn irridu naslu u x’irridu nagħmlu, iswed fuq l-abjad, b’mod li kulħadd jista jaqra u jkun jaf il-politika tagħna fis-settur.

Għalhekk illum, huwa ta’ pjaċir għalija, li bħala Ministeru għas-Saħħa, qiegħed inniedi dan it-tieni programm nazzjonali ta’ screening għall-pajjiżna – il-Colorectal Screening. Dan huwa programm li permezz tiegħu neżaminaw il-possibilità ta’ kanċer fil-musrana l-kbira

Il-kanċer fil-musrana l-kbira huwa t-tieni l-aktar kanċer komuni fil-gżejjer Maltin.  Jaffettwa kemm irġiel u kemm nisa, u r-riskju jikber minn 50 sena ‘l fuq. Fis-sena 2010, instabu 232 każ ta’ kanċer tal-musrana (119 fl-irgiel u 113 fin-nisa) u kull sena jmutu madwar 100 ruħ minn din il-marda.

Bħalissa għaddejja ħidma, li tinvolvi taħriġ u loġistika ta’ preparazzjoni neċessarja biex f’Ottubru nibdew nistiednu n-nies għal dan l-iscreening. Fl-ewwel fażi se nistiednu nisa u rġiel li għandhom bejn 60 u 64 sena.  Din hija l-età  fejn insibu l-ogħla rata ta’ inċidenza ta’ din il-marda fil-gżejjer Maltin.

B’mod prattiku, tgħallimna mill-esperjenza u suċcess miksub mill-mudell tal-Programm Nazzjonali ta’ Screening għall-Kanċer tas-Sider, u permezz ta’ investiment li għamilna fis-sistemi ta’ informatika issa nistgħu nikkordinaw flimkien programmi oħra ta’ screening. L-istedina se tinbagħat id-dar bil-posta wara selezzjoni minn programm fuq bażi ta’ data ta’ twelid; b’hekk niżguraw trasparenza u ekwità.

Lil dawn il-persuni se nagħtuhom test li jissejjaħ – Faecal Occulty Blood Test – FOBT.  Dan huwa test sempliċi li wieħed jista’ jagħmel fil-privatezza ta’ daru, u li permezz tiegħu, nistgħu nilqgħu għal din il-marda minn qabel.

Fi ftit kliem, it-test hu maħsub biex isib kwantitajiet, anke żgħar ħafna, ta’ demm fl-ippurgar. Dan jista’ jindika felul (polyps) li mbagħad ikun possibbli li jitneħħew qabel ma jevolvu f’kanċer u b’hekk titnaqqas l-inċidenza tal-marda. Jistgħu wkoll jinstabu sinjali ta’ dan il-kanċer fi stadju bikri.  

Dan għandu jagħmel differenza kbira, għal fatt li l-fażi li matulha l-marda tista’ tinqabad qabel mal-persuna tħoss is-sintomi jew jara sinjali hija stmata li hi dik ta’ bejn sentejn u sitt snin.

Nies li jinstabilhom test pożittiv (jigifieri jinstabu traċċi ta’ demm fl-ippurgar) jiġu riferuti għal aktar testijiet wara li jingħataw il-pariri meħtiega.

Dawn it-testijiet jistgħu jinvolvu kolonoskopija (magħruf bħala l-istrument), testijiet tal-laboratorju u/jew mikroskopju, u testijiet oħra skont il-ħtiġijiet tal-individwu.

Se noffru wkoll l-opportunità li r-riżultati jintbagħtu wkoll lit-tobba tal-familja, dejjem b’kunsens tal-klijent. Nittamaw li programmi bħal dawn iservu ta’ opportunità sabiex ir-rwol tat-tabib tal-familja  jkompli jissaħħaħ fil-komunità Maltija.

Dan il-programm ta’ screening hu servizz ieħor bla ħlas li l-Gvern Malti qiegħed joffri lill-poplu Malti u Għawdxi u hu mibni fuq il-Linji Gwida għall-Assikurazzjoni ta’ Kwalita’ għal screening u dijanjosi bikrija ta’ Kanċer fil-Musrana, kif stabbilit mill-Unjoni Ewropea.

Nappella min issa biex dawk kollha li jirċievu it-test jieħduġ bis-serjetà għax, kif għedt, dan jista’ jippermettielna li nevitaw problemi serji ta’ saħħa fi stadju bikri.

Nirringrazzja lill-professjonisti kollha li jaħdmu f’dan iċ-ċentru, li mhux biss huma professjonisti dedikati, imma wkoll jafu jagħmlu differenza kbira fil-kwalità ta’ ħajja ta’ ħafna persuni.

Grazzi.

Clown doctors fl-iSptar Mater Dei

Din il-gimgha beda s-servizz tal-clown doctors fl-isptar Mater Dei...inizjattiva tassew sabiha.  Prosit u grazzi lill voluntiera kollha..

Żidna il-Baġit għas-Saħħa

Għax is-saħħa għalina hi priorita, komplejna inżidu l-investiment dirett f’dan il-qasam.  Fil-fatt il-Baġit għal-qasam tas-saħħa jiżdied b’aktar minn 29 miljun ewro.  Dan ifisser li din is-sena il-Gvern se jinvesti  405.4 miljun ewro fis-saħħa. 

Għalkemm ma nifhimx kif wieħed jista jmaqdar din iż-żieda u dan l-investiment, jidher li dan ma jdoqqx tajjeb għal kulħadd.  Imma insomma, min imdorri jmaqdar, diffiċli biex jibdel l-attitudni tiegħu.  Hija hasra, ghax saħansitra smajna tmaqdir u kritika fil-konfront tal-pjanijiet tagħna dwar il-kanċer. Difficli tifhem dan it tmaqdir

Nużaw it-teknologija għat-taħriġ tal-professjonisti

Kultant ma nindunawx kemm indiblu affarijiet madwarna.  Bla dubju dan iseħħ minħabb l-fatt li inkunu drajnihom.  Bħal ma drajna il-mobile, l-email u affarijiet oħra li bidlu l-mod li biħ nikkomunikaw u ngħixu.

Fil-qasam tas-saħħa drajna wkoll dak li qed niksbu kontinwament, fost oħrajn dwar l-użu tat-teknoloġija fis-settur.  Dan li qed tara huwa biss eżempju żgħir li jirrifletti x'inkunu qed ngħidu meta insemmu investiment fis-saħħa...li finalment dejjem jirriżulta f'ħid għal pazjent.

Servizz ieħor ġdid - Lung Transplant...

 Għal dan il-Gvern is-saħħa hi priorita. Ma hemmx logħob bil-kliem, magħna taf fejn qiegħed.  Ir-reputazzjoni eċċellenti ta pajjiżna fil-qasam tas-saħħa tippermettielna biex nidħlu fi ftehim differenti ma ċentri ta eċċellenza fis-settur.

X'ifisser dan għalik ?

Dan ifisser li hija ħafna aktar faċli biex nipprovdu l-aqwa kura possibbli. Per eżempju għal-ewwel darba qed noffru servizz ieħor ġdid - dak tal-lung transplant.  Proċedura kumplikata, li iżda issa qed noffru permezz ta ftehim maċ-ċentru ISMETT f'Palermo. Pratikament is-sistema li ħloqna tfisser li ladarba ikun hemm donor, il-pazjent Malti ikun f'Palermo f'madwar tlett siegħat, u hemm jiġi operat.

Saħħtek għal-Qalbna...bil-fatti.

JORĦSU 16-IL MEDIĊINA OĦRA

Il-Ministeru għall-Kompetizzjoni Ġusta, Negozji Żgħar u l-Konsumatur, javża illi ġew mraħħsa 16-il mediċina oħra sabiex issa n-numru ta’ mediċini li raħsu żdiedu għall-192. Ir-roħs fil-prezz tal-mediċina jvarja bejn 3 u 46%. Dan ir-roħs sar bl-intervent tal-Uffiċċju għall-Affarijiet tal-Konsumatur fi ħdan l-Awtorità ta’ Malta għall-Kompetizzjoni u għall-Affarijiet tal-Konsumatur.

Din hija l-lista tal-mediċini li raħsu:

Mediċina	Pakkett	Il-prezz l-antik €	Il-prezz il-ġdid  €	Roħs €
Actonel® Once A Week	32.5mg film-coated tablets X 4	38.20	34.20	-4.00
Atacand	8mg tablets x 28	23.92	22.96	-0.96
Atacand Plus	16mg/12.5mg tablets x 28	34.86	28.88	-5.98
Celebrex®	100mg hard capsules X 60	34.01	31.54	-2.47
Flagyl	200mg film-coated tablets X 21	5.54	2.98	-2.56
Flagyl	400mg film-coated tablets X 14	7.08	4.15	-2.93
Imdur®	60mg prolonged release film coated tablets X 28	16.19	11.35	-4.84
Istin™	5mg tablets x 28	20.45	18.25	-2.20
Lyrica	25mg capsules X 56	106.94	75.44	-31.50
Nexium®	20mg gastro-resistant film coated tablets x 28	34.71	28.96	-5.75
Nexium®	40mg gastro-resistant film coated tablets x 28	62.05	41.60	-20.45
Paxetin	20mg film-coated tablets x 30	14.26	10.00	-4.26
Physiotens	0.2mg film-coated tablets X 28	13.37	11.95	-1.42
Rodogyl	125mg/0.75 MIU film coated tablets x 20	9.78	6.49	-3.29
Symbicort® Turbohaler®	100mcg/6mcg Inhalation powder X 120 dozes	50.45	48.67	-1.78
Symbicort® Turbohaler®	200mcg/6mcg Inhalation powder X 120 dozes	59.18	57.60	-1.58

Il-prezzijiet il-ġodda tal-mediċini jirriflettu l-prezzijiet medji tal-istess mediċini fil-pajjiżi Ewropej. Dawn japplikaw għal mediċini li l-ispiżeriji jkunu xtraw bil-prezz il-ġdid.

Għal aktar informazzjoni dwar il-prezzijiet tal-mediċini wieħed jista’ jċempel fuq in-numru 23952000, mit-Tnejn sal-Ġimgħa bejn it-8.00am u l-3.00pm jew inkella billi jibgħat email fuq dan l-indirizz: medicines@gov.mt.

From the press...

EU allocates €41.5m for Malta's new cancer hospital - http://www.timesofmalta.com/articles/view/20120410/local/eu-allocates-43m-for-malta-s-new-cancer-hospital.414892

303 applications for nursing posts -

http://www.independent.com.mt/news.asp?newsitemid=142556

85% taċ-Ċentru tal-Onkoloġija se jiġi ffinanzjat mill-UE

http://tiny.cc/ul8jcw

16 medicines undergo price reduction

http://maltatoday.com.mt/en/newsdetails/news/national/16-medicines-undergo-price-reduction-20120410

Reduction in price of 16 medicines

http://www.di-ve.com/Default.aspx?ID=72&Action=1&NewsId=90939&cache=false

L-Ghid it-Tajjeb

Nawgura l-Ghid it-Tajjeb lill kulhadd.  Tajjeb li nibqghu niftakru fill-pazjenti u f'min iwassal il-kura fit-talb taghna matul is-sena kollha.

Pjan nazzjonali dwar il-kanċer

Pjan nazzjonali dwar il-kanċer

Dan huwa il-Linear Accelerator gdid fl-isptar Sir Paul Boffa

Is-sena li għaddiet ippubblikajna l-ewwel pjan nazzjonali dwar il-kanċer li qatt kellu pajjiżna.  Persważ li l-maġġoranza tan-nies ma tarax l-importanza ta’ pjan bħal dan.  Fil-fatt, huwa grazzi għall pjan simili li l-Gvern ikun jista jippjana it-triq għal-futur.  Dan il-pjan sar wara studju ta dak li qiegħed iseħħ, u dak li probabilment se jseħħ fis-snin li ġejjijn.  U allura, sabiex pajjiżna ikun f’pożizzjoni li joffri s-servizzi li jkun hemm bżonn, ħloqna dan il-pjan nazzjonali.

Il-pjan għandu medda ta ħames snin - mill-2011 sal-2015 u li għaliħ il-Gvern ikkommetta vot ġdid ta miljun u mitejn elf ewro (1,200,000).  L-għan prinċipali hu dak li nqegħdu l-pazjenti li jbagħtu mill-kanċer, u lill familji tagħhom, fiċ-ċentru tas-sistema tas-saħħa tagħna.  Irridu nipprevjenu dawk il-kanċers li nistgħu nindividwaw minn kmieni u fl-istess ħin noħolqu kultura ta prevenzjoni.

Il-pjan għandu ukoll l-iskop li jnaqqas l-inċidenza tal-kanċer fost il-poplu tagħna u li jtawwal l-għixien ta dawk li jkunu milquta permezz ta kura effettiva.