IS-SENA LI GĦADDIET INGĦATAW AKTAR MINN MILJUN SERVIZZ MID-DIPARTIMET TAL-KURA PRIMARJA

Investiment ta’ nofs miljun ewro fiċ-ċentru tas-saħħa tal-Mosta

Aktar minn miljun servizz ingħataw lill-pazjenti mid-Dipartiment tal-Kura Primarja minn tmien Ċentri tas-Saħħa u 42 berġa.  Dan seħħ is-sena li għaddiet permezz ta’ diversi servizzi offruti minn dan id-Dipartiment, ewlieni fosthom is-servizz ta’ tabib, li s-sena li għaddiet kien l-aktar wieħed użat.  Fil-fatt, it-tobba fiċ-Ċentri tas-Saħħa eżaminaw 427,725 persuna li jfisser żieda ta’ 129,104 persuna fuq l-2008. Żdiedet ukoll il-ħidma tat-tobba fil-bereġ u filwaqt li fl-2008 saru 155,187 viżta, fl-2011 dawn telgħu għal 192,229.

It-tobba taċ-Ċentri tas-Saħħa fl-2011 għamlu wkoll 12,555 viżta fid-djar minħabba li l-pazjenti ma setgħux joħorġu.

Dawn id-dettalji tħabbru mill-Ministru għas-Saħħa, l-Anzjani u Kura fil-Komunità, Dr. Joe Cassar, waqt konferenza tal-aħbarijiet fiċ-Ċentru tas-Saħħa tal-Mosta.  Il-Ministru Joe Cassar irringrazzja lill-professjonisti u ħaddiema li ta’ kuljum iwasslu s-servizzi tal-kura primarja fiċ-ċentri tas-saħħa, bereġ u anke fid-djar tan-nies. Il-Ministru ħabbar ukoll id-dettalji ta’ proġett estensiv ta’ tisbiħ fiċ-ċentru tas-saħħa tal-Mosta, li se jsir b’investiment ta’ nofs miljun ewro.

Hu qal li s-sena li għaddiet twasslu aktar minn 160,000 servizz minn dan iċ-ċentru (ara t-tabella fit-tmiem ta’ din l-istqarrija) u li dan il-proġett ser isir bl-iskop li l-pazjent ikun jista’ jinqeda f’ambjent isbaħ filwaqt li l-professjonist jaħdem f’ambjent aktar komdu.  Il-Ministru qal ukoll li matul dawn l-aħħar jiem is-servizz ta’ x-ray f’dan iċ-ċentru beda jiġi offrut fuq bażi ta’ 24 siegħa. Il-proġett ta’ tisbiħ se jippermetti wkoll żieda fis-servizzi offruti f’dan iċ-ċentru. Fil-fatt iċ-ċentru se jinkludi plastering room u wkoll operating theatre li ser jintuża għal interventi żgħar.

Brian St. John, Kap Eżekuttiv tal-Fondazzjoni għas-Servizzi Mediċi (FMS), li qed imexxi l-proġett, qal li l-Fondazzjoni hija responsabbli mit-tmexxija ta’ diversi proġetti, bħal ma kienu t-tisbiħ ta’ Zammit Clapp u xogħlijiet tal-bunker li fih tqiegħed il-linear accelerator fl-Isptar Sir Paul Boffa.  Brian St. John qal li x-xogħlijiet fiċ-ċentru tas-saħħa tal-Mosta se jinkludu tisbiħ radikali tal-post, bis-sistemi tal-elettriku u tal-ilma b’kollox kif ukoll tqassim aħjar taċ-ċentru. Hu qal li filwaqt li t-tenders relatati diġà ħarġu, il-proċess kollu mistenni jieħu madwar erba’ xhur minn meta jitlesta l-proċess ta’ aġġudikazzjoni u jingħataw it-tenders u għandu jkun lest sal-aħħar tas-sena. 

Edward Borg, il-Kap Eżekuttiv tad-Dipartiment tal-Kura Primarja, spjega li waqt li se jkun għaddej il-proġett, il-maġġoranza tas-servizzi li llum qed jingħataw mill-Mosta se jingħataw miċ-ċentru tas-saħħa ta’ Birkirkara filwaqt li s-servizz ta’ tabib u nurse se jkun qiegħed jiġi offrut fil-Mosta stess. 

Il-Ministeru għas-Saħħa, l-Anzjani u Kura fil-Komunità se jkun qiegħed jinforma lill-pubbliku b’din il-bidla ladarba jibda x-xogħol.

Tabella dwar servizzi mogħtija miċ-ċentru tas-saħħa tal-Mosta:

Mosta Statistics 2011
	Clinic	Totals
	General Practitioner	39180
	Treatment Room	23292
	Diabetes	2268
	Home visits	3096
	Medical Consultant clinic	3084
	Well Baby	2012
	Gynae	1848
	ECG	1464
	Schedule V	1476
	Blood Investigations	24192
	Anti Coagulant Clinic	12696
	Physiotherapy	4716
	Podiatry	10800
	Gluacoma	2400
	Ophthalmic	1200
	X-Rays	8060
	Prescription Clinic	22464

Kanċer

Jekk toqgħod taħseb ftit malajr tinduna li lkoll kemm aħna nafu lill xi ħadd li ħajtu inħasdet mill-marda tal-kanċer.  Sfortunatament din hija realta, u minkejja l-avvanzi fil-mediċina, sa issa għadna ma sibniex mod ta kif neqirdu kompletament din il-marda. 

Imma saru diversi avvanzi.  U bi pjaċir ngħid li l-Gvern Malti hawnekk ukoll qiegħed jagħmel id-differenza.  L-ewwel pass naturali kien dak li noħolqu programm ta screening.  Dan ikun programm ta eżamijiet mediċi sabiex niċċekkjaw jekk persuna għandiex kanċer jew le.  Filwaqt li l-persuna li jkollha l-kanċer tibda tħoss is-sintomi meta l-marda tkun fi stadju avvanzat, ħafna drabi, minħabba li ma tħoss xejn, ma tindunax mill-ewwel.

Għalekk, permezz ta programm ta screening, inkunu nistgħu nindividwaw il-kanċer fi-stadju bikri, u allura nieħdu azzjoni immedjatament.

Three-year action plan to ‘raise spirits’ at Mater Dei

Artiklu interessanti ħafna...

http://www.independent.com.mt/news.asp?newsitemid=142106

Joe

Proċedura innovattiva fl-Isptar Mater Dei tgħati ħajja mill-ġdid lill-pazjenti li ma setgħux jiġu operati.

Proċedura innovattiva fl-Isptar Mater Dei tgħati ħajja mill-ġdid lill-pazjenti li ma setgħux jiġu operati.

Matul dawn l-aħħar sentejn fl-iSptar Mater Dei bdiet issir dik proċedura li tissejjaħ Trans Aortic Valve Implantation – TAVI, proċedura innovattiva li matulha tiġi imdaħħla molla fl-Aorta sabiex din tinfetaħ.

Profs. Albert Fenech, Konsulent Kardjologu, spjega li is-sistema taħdem permezz ta’ molla li tiddaħħal mill-femoral artery permezz ta catheter. Ladarba il-molla titwassal fil-valve tal-qalb din tinfetaħ permezz ta’ bużżieqa u titqiegħed f’postha.  Ladarba dan iseħħ, titniżżel il-bużżieqa  u jitneħħa il-catheter, filwaqt li l-molla tibqa f’posta.

Il-Professur Fenech qal li f’Malta diġa saru 20 proċedura ta TAVI, filwaqt li ser isiru żewġ proċeduri oħra fil-ġimgħat li ġejjijn.  Hu qal li proċedura simili tiswa madwar €24,000 kull waħda u issir għall pazjenti li minħabba problemi ta saħħa, normalment ikkawżati minn eta avvanzata, ma jkunux jifilħu għall-open heart surgery. Permezz tat-TAVI dawn il-pazjenti qed jgħixu għal aktar snin.

Il-Professur Fenech appella lill pubbliku biex ikun aktar konxju dwar saħħtu. Hu qal li d-dijabete u l-piż żejjed jikkontribwixxu biex is-saħħa tal-persuna tmur lura drastikament.  Prof Fenech qal li dejjem tajjeb li wieħed jieħu ħsieb saħħtu għax dan ikun ifisser inqas problemi ta saħħa u inqas bżonn ta interventi fuq il-ġisem tal-bniedem. Kif kien tħabbar waqt it-tnehdija tal-istrateġija kontra l-obeżita, huwa stmat li l-obeżita tiswa lill-pajjiż madwar €25 miljun fis-sena f’servizzi mediċi. 

Il-Ministru għas-Saħħa, l-Anzjani u Kura fil-Komunita Dr Joe Cassar fisser kif it-TAVI hija biss waħda minn numru ta proċeduri ġodda li qed iseħħu fl-iSptar Mater Dei.  Hu rringrazzja lill-Profs Fenech u it-tim ta professjonisti li jaħdmu flimkien biex, jgħinu lill-pazjent, anke bl-assistenza ta teknoloġija simili. 

Joe Cassar qal li mhux biss Malta hi waħda mill-ftit pajjiżi li qed toffri din il-proċedura partikolari imma il-professjonisti Maltin se jużaw l-esperjenza miksuba biex jgħallmu lill-professjonisti oħra tas-saħħa fir-Rumanija, sabiex hemm ukoll tkun tista tibda ssir it-TAVI.

Hu qal li dan jikkonferma il-viżjoni tal-Gvern għal qasam tas-saħħa fejn permezz ta ppjanar serju u fit tul fl-Isptar qed jiġu offruti proċeduri li litteralment qed isalvaw il-ħajja ta aktar persuni filwaqt li jevitaw il-bżonn li pazjenti Maltin isiefru għall-kura li jkollhom bżonn.   Il-Ministru qal li id-diversi proċeduri jirrikjedu investiment qawwi ui kostanti, li l-Gvern qiegħed jipprovdi għall-ġid tal-pazjent.  Barra minn hekk, issa wasalna f’punt fejn professjonisti Maltin qed jgħallmu professjonisti barranin dwar kif għandhom isiru proċeduri differenti.  Dan seħħ ukoll fil-qasam tal-Breast Screening.

Mill-Parlament

Dan l-aħħar ġejt mistoqsi jekk sarux żidiet fin-numru ta konsulenti fl-isptar. 

Matul is-snin investejna fir-riżorsa umana.  Rajna kif għamilna biex inżidu mhux biss in-numru tan-nies imma wkoll il-livell ta kura.  Fil-fatt mill-2007 lil hawn żidna xejn anqas minn 38 konsulent ġdid fi speċjalizzazzjonijiet varji fosthom, fl-Ortopedija, Obstetrija u Ġinekoloġija u wkoll fid-Dentistrija u Kardjoloġija fost oħrajn

Kont taf ?

Biss saħħa ta investiment fir- riżorsi umani komplejna inżidu in-numru ta’ servizzi li noffru fil-qasam tas-saħħa,  Illum il-ġurnata il-Gvern joffri aktar minn 4,000 servizz tas-saħħa b’xejn liċ-ċittadini Maltin. 

Il-lista hija magħrufa bħala in-National Healthcare Package.  Nistiednek tidħol fis-sit http://www.ehealth.gov.mt/ u tiskopri dak li int intitolat għalih, u fl-istess ħin issir taf aktar dwar is-servizzi tas-saħħa.

Pass ieħor importanti fil-qasam tas-saħħa...aktar mediċini b'xejn

Il-bieraħ ħabbart pass ieħor kbir fil-qasam tas-saħħa.  Filwaqt li l-Partit Laburista għadu qiegħed jgħid li naqqasna l-investiment fil-qasam tas-saħħa, ħabbart dak li konna ilna nippjanaw għal numru ta xhur.

Qed nitkellem dwar Schedule V - li hija skema li tiġbor fiha lista ta mard kroniku li għailhom wieħed ikun intitolat għal mediċini b'xejn. Dan ifisser li:

• In-numru ta’ kundizzjonijiet meqjusa bħala mard kroniku, u li jintitolaw il-pazjenti għal mediċini b'xejn, ser jirduppjaw minn 38 għal 79.
• Pazjenti li jbatu mid-Dimenzja issa se jkunu intitolati għal mediċini b'xejn kif kien imwiegħed.
• Kundizzjonijiet kroniċi trattati taħt l-Iskeda II (dik magħrufa bħala l-kartuna r-roża) li jinkludu l-marda endokrinali tad-dijabete, u l-mard infettiv  bħat-Tuberkolożi, il-Lebbra u l-Polio issa wkoll ġew elenkati taħt l-Iskeda V (dik magħrufa bħala l-kartuna s-safra). 


• Pazjenti bi problemi psikjatriċi kroniċi, bħal per eżempju disturbi fil-burdata (inkluż id-dipressjoni), disturbi newrotiċi, u disturbi psikjatriċi li jibdew fit-tfulija, issa se jibbenefikaw ukoll mid-dritt għall-mediċini b'xejn.

Il-Lista sħiħa, u aktar informazzjoni tista tinkiseb minn:

http://doi.gov.mt/EN/press_releases/2012/03/pr0707.pdf