Din is-sena ingħataw aktar minn 687,000 servizz ta Kura Primarja mill-bereġ u Ċentri tas-Saħħa

Din is-sena ingħataw aktar minn 687,000 servizz ta Kura Primarja mill-bereġ u Ċentri tas-Saħħa

L-ewwel punt ta referenza għandu jkun it-tabib tal-familja

Bejn Jannar u Lulju ta din is-sena ingħataw 678,682 servizz ta’ Kura Primarja mill-Bereġ u ċ-Ċentri tas-Saħħa.  Dan qalu il-Ministru għas-Saħħa, l-Anzjani u Kura Fil-Komunita Dr Joe Cassar waqt konferenza tal-aħbarijiet fiċ-Ċentru tas-Saħħa ta Raħal Ġdid.   Il-Kura Primarja għandha rwol ċentrali fis-servizzi tas-saħħa, qal il-Ministru, filwaqt li sostna li l-ewwel punt ta referenza għal pazjent ma għandux ikun speċjalista iżda it-tabib tal-familja (bereġ / ċ-Ċentri tas-Saħħa).

Il-Ministru Cassar qal li llum it-tabib tal-familja huwa speċjalista wkoll u jkun ħa taħriġ professjonali apposta biex ikun jista jagħti l-aqwa parir fuq livell ta mediċina ġenerali.  Il-Gvern joffri diversi servizzi tas-saħħa fil-livell ta Kura Primarja permezz ta 8 ċentri tas-saħħa u 42 berġa. Dr Cassar qal li minkejja li hawn il-perċezzjoni li ftit nies jużaw is-servizzi tal-kura primarja, il-fatti juru mod ieħor, bħal ma hu indikat fit-tabelli hawn taħt.

January - July 2012

Number of clients examined in all Health Centres by General Practitioners	243,493
Number of clients examined in ‘Bereg’(Peripheral Clinics)	61,974
Number of Home Visits done	9,816

Special Clinics
Diabetes	11,392
Gynae	4,889
Well Baby	3,779
Treatment Room (Nursing Care)	156,022
Podiatry	41,321
Speech Language Pathology	51,582
Blood Tests	43,315
Physiotherapy	13,367
ECG	1,453
X-rays	13,901
Ophthalmology	1,168
Glaucoma	3,310
Medical Consultant Clinic	9,175
Immunisation	8,725
Total number of services	678,682

Servizzi tal-Kura Primarja,  Jannar – Lulju 2012

Il-Ministru Cassar qal li r-riforma fil-Kura Primarja għadejja kontinwament f’dak li huwa tibdil ta proċessi u sistemi kif ukoll tisħiħ strutturali.  Filwaqt li bħalissa qed isir investiment ta miljun ewro fiċ-ċentri tas-saħħa tar-Rabat u l-Mosta, il-pjanijiet jinkludu wkoll l-introduzzjoni ta sala għall-operazzjonijiet minuri fiċ-Ċentru tas-Saħħa tal-Mosta.

Dr Natasha Azzopardi Muscat, Chief Medical Officer, qalet li tajjeb li napprezzaw il-bidla li seħħet fil-qasam tas-saħħa matul is-snin, partikolarment fejn jidħol taħriġ professjonali.  Il-fatt li llum it-tobba tal-familja huma speċjalizzati fil-qasam jgħin biex persuna tingħata l-kura meħtieġa malajr u f’waqtha.  Dr Muscat qalet ukoll li inbeda eżerċizzju bejn il-Kapijiet Eżekuttivi tal-iSptar Mater Dei u tal-Kura Primarja bl-iskop li s-sistema tas-saħħa tkompli tissaħħ għal-ġid tal-pazjent.  Hi ħabbret li, f’numru ta kliniks fid-dipartiment tal-Outpatients tal-isptar Mater Dei inbdiet proċedura fejn madwar ġimgħa qabel ma pazjent ikollu appuntament dan jiġi imfakkar u l-appuntament jiġi konfermat.  Dan minħabba l-fatt li qed ikun hemm ħafna appuntamenti li mhux qed jinżammu, b’detriment għal-pazjenti stess.

Is-Sur Edward Borg, Kap Eżekuttiv tal-Kura Primarja appella biex il-pazjent iżomm l-appuntament li jkollu u qal li huwa importanti li kull min imur f’Berġa jew Ċentru tas-Saħħa, jieħu il-karta tal-identita.  Hu qal li jekk min ma jkunx ġej għal xi appuntament jinforma liċ-ċentru rispettiv, aktar pazjenti ikunu jistgħu jinqdew f’ħin iqsar.

Il-Ministru Cassar irringrazzja lill professjonisti u l-ħaddiema kollha fil-qasam tal-kura primarja tax-xogħol u l-impenn tagħhom fil-konfront tal-pazjent.

Matul dawn l-aħħar 4 snin u nofs ingħataw 2,219 trattament mediku fir-Renju Unit lill pazjenti Maltin

Qed ningħata t-trattement mediku li għandi bżonn f’wieħed mill-aqwa sptarijiet fid-dinja – Is-Sur Bernard Bonnici 

Mill-2008 sa nofs Awwissu ta din is-sena 1,456 pazjent Malti u Għawdxi ingħataw aktar minn 2,000 trattament mediku b’xejn fir-Renju Unit għal-kundizzjonijiet differenti ta saħħa varji li kellhom jew għandhom.  Waqt konferenza tal-aħbarijiet fil-Ministeru għas-Saħħa, l-Anzjani u Kura fil-Komunita, ingħata rendikont tal-ħidma li qed issir mis-sezzjoni magħrufa bħala Treatment Abroad Section fi ħdan id-Dipartiment tas-Saħħa. 

Il-Ministru Joe Cassar qal li dawn il-pazjenti ikunu qed jesperjenzaw kundizzjoni partikolari li tkun teħtieġ kura speżjalizzata u allura, permezz ta ftehim li kien sar bejn Malta u r-Renju Unit, din il-kura tingħata f’ċentri ta speċjalizzazzjoni prinċipalment f’Londra.   Dr Cassar qal li l-ftehim ikopri kwota annwali ta 180 pazjent, filwaqt li l-Gvern Malti iħallas direttament għall-kumplament tal-pazjenti.  Naturalment il-pazjent ma jħallas xejn.

Il-Ministru Cassar qal li dan isir sabiex jiġi żgurat li l-pazjenti Maltin jirċievu l-aqwa kura possibbli mill-aħjar istituzzjonijiet mediċi fl-oqsma rispettivi.   Il-Gvern jinvesti madwar miljun u nofs ewro fis-sena biex jipprovdi dan is-servizz lill pazjent, li jinkludi wkoll it-titjiriet, akkomodazzjoni u ikel tal-pazjent, trasport u naturalment il-kura neċessarja kif ukoll il-mediċini relatati mall-kura.  Il-Gvern ikopri wkoll l-ispejjeż relatati mal-użu ta air ambulance u l-professjonisti abbord, f’każijiet ta emerġenza.

Id-Dipartiment tas-Saħħa għandu wkoll ftehim ma Puttinu Cares u mas-Sorijiet Franġiskani sabiex il-pazjenti Maltin jiġu pproviduti b’akkomodazzjoni imħallsa mill-Gvern.  Hemm ukoll ftehim mal-Patrijiet Franġiskani li jinsabu f’Londra biex jiġi offrut ukoll servizz spiritwali kif ukoll interpreti biex jiġi ffaċilitat il-proċess ta komunikazzjoni għal dawk li jkollhom bżonn.

Sena	Numru ta’ pazjenti	Episodji
2008	279	425
2009	296	474
2010	306	485
2011	314	474
2012 (up to 20.08.12)	261	361

Numru ta pazjenti u episodji ta kura li ingħataw fir-Renju Unit

Is-Sur Bernard Bonnici, li bbenefika minn kura barra minn pajjiżna qasam l-esperjenza tiegħu mall-mezzi tax-xandir.  Hu qal li minħabba problemi li esperjenza f’għajnejħ ġie stabilit li kellu bżonn kura speċjalizzata u beda jirċievi kura fi sptar f’Londra.  Is-Sur Bonnici qal li din is-sena diġa mar tmien darbiet Londra u filwaqt li għal bidu kellu bżonn imur kull gimgħa w nofs issa qiegħed jitla għal kura kull xahar.  “Bqajt impressjonat bis-servizz effiċjenti offrut.  Meta fittixt fuq l-internet indundajt li qed ningħata t-trattement mediku li għandi bżonn f’wieħed mill-aqwa sptarijiet fid-dinja, u minn wieħed mill-aqwa speċjalisti fil-qasam”, qal is-Sur Bonnici.  Hu faħħar il-ħidma li ssir mill-uffiċċali tal-Kummissjoni Għolja Maltija  f’Londra u rringrazzjhom tal-għajnuna prattika li jsib min għandhom waqt li jkun Londra.

Bernard Bonnici qal li t-trattement li qiegħed jirċievi qiegħed jagħti l-frott mixtieq u issa qiegħed iħossu ferm aħjar.  Hu rringrazzja lill kull min hu involut għax is-servizz huwa wieħed verament prattiku u professjonali li saħansitra jibqa għaddej hawn Malta, u membri mit-tim tat-Treatment Abroad saħansitra jinfurmawħ meta jkun wasal biex jordna aktar mediċina, li tiġi provduta lilu b’xejn.

Il-Ministru Joe Cassar irringrazzja lill-ħaddiema li jmexxu it-taqsima tat-Treatment Abroad tad-dedikazzjoni tagħhom għall-ġid tal-pazjent.  Dr Cassar irrikonoxxa li l-ħidma ta dan id-dipartiment mhi faċli xejn, anke minħabba l-fatt li tvarja ħafna fin-natura tagħha.  Iżda grazzi għal perseveranza tal-ħaddiema il-pazjent jibbenefika mill-aqwa kura possibbli.

BBQ Nhar is-Sibt

Intervista mall-Ministru ghas-Sahha, l-Anzjani u Kura fil-Komunita

Ikompli jiżdied in-numru ta operazzjonijiet li jsiru fl-iSptar Mater Dei

Ikompli jiżdied in-numru ta operazzjonijiet li jsiru fl-iSptar Mater Dei

Medja ta 5 operazzjonijiet fis-siegħa, lejl u nhar, Ħdud u festi

Statistika mill-iSptar Mater Dei turi li l-pjanijiet varji li saru sabiex jiżdied in-numru ta operazzjonijiet, u allura jonqos iż-żmien ta stennija għall-pazjent, qiegħed ikompli jħalli l-frott.

Fil-fatt bejn Jannar u Mejju ta din is-sena saru total ta 19,049 operazzjoni differenti li huwa żieda ta, 1,009 operazzjoni fuq l-istess żmien tas-sena li għaddiet kif indikat fit-tabella hawn taħt.

Xahar	Operazzjonijiet	Żieda fuq l-2011
Jannar	3,947	302
Frar	3,507	121
Marzu	3,826	96
April	3,692	175
Mejju	4,077	315
TOTAL	19,049	1,009

Din iż-żieda tkompli tibni fuq dak li kien miksub fis-snin ta qabel.  Matul it tnax-il xahar tas-sena li għaddiet kienu saru total ta’ 43,747 operazzjoni li kienet żieda ta 1,952 operazzjoni fuq is-sena ta’ qabel u żieda ta 11,000 operazzjoni fuq l-aħħar sena tal-isptar l-antik San Luqa.

Il-Ministru għas-Saħħa, l-Anzjani u Kura fil-Komunita Joe Cassar jirringrazzja lill-dawk il-professjonisti u ħaddiema kollha li huma involuti f’dan il-proċess.  Il-Ministru qal li huwa importanti li wieħed jirrealizza li minn kemm ilu li nfetaħ l-iSptar Mater Dei il-Gvern investa aktar fil-pazjent u żied it-tip ta interventi li jsiru. Dan issarraf f’livell ta kura aktar avvanzat kif ukoll f’aktar possibilitajiet ta fejqan għall-pazjent.   Fost oħrajn hemm diversi interventi ġodda li matulhom il-professjonisti jagħmlu użu minn apparat sofistikat.   Dawn jinkludu Deep Brain Stimulation li tinvolvi l-installazzjoni ta elettrodi fil-moħħ tal-persuna,  Radio Frequency Ablation li tuża s-sħana ġenerata minn frekwenzi għolja sabiex jitneħħa tumur, Transcatheter Aortic Valve Implantation li permezz tagħha jiġi mqiegħed valve fil-qalb tal-pazjent mingħajr il-bżonn ta open heart surgery, Cochlear implants li hi magħrufa wkoll bħala bionic ear, u proċeduri oħrajn.

Dr Cassar qal li żdiedu wkoll il-konsulenti u speċjalisti barranin li qed jiġu minn barra u joffri servizz lill pazjenti fl-isptar Mater Dei u jevitaw il-bżonn li l-pazjent isiefer.  Dan huwa wkoll grazzi għall-Sptar modern li huwa mgħammar b’teknoloġija li tassisti lill-professjonist waqt proċeduri mediċi.

Iż-żieda sostanzjali fin-numru ta operazzjonijiet, li ma tinkludix dawk li huma mħallsa mill-Gvern iżda jisru fil-privat, huwa r-riżultat ta pjan strateġiku intiż biex inaqqas iż-żmien ta stennija għal-pazjenti.  Dan ġie inmiedi fl-2009 u li ħalla impatt immedjat.

1,200 proċedura mill-Pain Clinic fl-isptar Mater Dei

1,200 proċedura mill-Pain Clinic fl-isptar Mater Dei

Analysis of the first National Sexual Helath Survey underway

The Directorate for Health Information and Research within the Ministry for Health, the Elderly and Community Care is in the process of analising and evaluating data collected from the first National Sexual Health survey.  The implementation of this survey follows from and fulfills part of the research recommendations made by the National Sexual Health Strategy launched in 2011 by the Ministry of Health, the Elderly and Community Care. 

The National Sexual Health survey is a representative study among the population aged 16 to 40 assessing the population’s attitudes towards sexuality and sexual health; their knowledge about sexual health related issues and their sexual practices.   Fieldwork has been conducted over the first three months of 2012 among a representative sample of Maltese residents within the said age group.  

This study has collected detailed information on a number of important indicators addressing topics such as sexual education, sexual competence, sexual activity, risky behaviours, knowledge about sexually transmitted infections, knowledge and use of contraceptive methods and knowledge about treatment and screening facilities.  The information from this study will help develop targeted educational and health promotion campaigns and lead to the creation of user driven sexual health services to meet the needs of the population.   

Data input and analysis is now underway in order to publish a report on the findings.

The respondents who have kindly given their time for the completion of the survey have been provided with a USB drive containing a range of information leaflets and documents on the subject of sexual health.  In addition, they have also been given the opportunity to take part in a lottery to win an iPad.  

This lottery was held at the offices of the Lotteries and Gaming Authority on the 18^th June 2012 and Mr Emanuel Schembri’s winning ticket was drawn.  

During the presentation Minister for Health, the Elderly and Community Care Hon Joe Cassar thanked Mr Schembri and all the participants who contributed in this important phase of the research.  Minister Cassar said that the actual publication of the Malta’s first National Sexual Health Strategy was an important step forward towards a better informed, healthier society.  Research is the key to understand beleifs, perceptions and behaviours and therefore the contribution of every individual will result in an informed approach.

Minister Cassar thanked all the professionals at the Directorate for Health Information and Research whose hard work normally goes by unnoticed until results of various surveys are published.  This Directorate helped the Department of Health plan and create various strategies, from which the general public gained in a direct manner through services and initiatives.